Oinatzak koloreetan

Larra Bidean hazi eta hezi garen familian bizi izan ginen haurtzaro eta gaztaroan, Zornotzan. Giro horren marka modu nabarmenean ikusi eta irakur daiteke _Oinatzak koloreetan_ liburu honetan. Alabaina, horrez gain, era desberdinetako bizipenen ondorioz sortutako koadroak eta idazlanak ere jasotzen dira. Testu poetikoak euskara batuan aurkezten dira eta liburuaren 1. zatiko koadroen azalpenak Bizkaieraz garatu ditugu, Zornotzako hainbat euskaldunok bizi dugun zalantza linguistikoen ispilu. Km0-ko sorkuntza-lana den arren, ikuspegi unibertsala, irekia, mugarik gabea ere bada. Ez da inongo lanarekiko konparaziorik bilatu izan, librea eta ortzimugara begirakoa da. Aldi berean, lanak gauzatzeko garapenean errepikaezineko prozesu anitzak, bereziak eta zirraragarriak bizi izan ditugu. _Oinatzak koloreetan_ ontzean bizitzak muinean utzi dizkigun barneko hainbat emozio islatzen saiatu gara. Eta emozio batzuek ahaztu eta saihestezinak zaizkigu. Zizili eta Luis, zuetaz oroit.